張乾文專訪:阿佘遇子華撻出驚喜 看好楊怡馬國明

無綫監製張乾文(Nelson)在電視圈工作三十載,憑着大膽用人和革新性格,塑造出不少叫好叫座的螢幕組合,為觀眾帶來不少新鮮感。例如《絕代商驕》的佘詩曼與黃子華、《古靈精探》的郭晉安與郭羨妮都令人留下深刻印象,當中佘詩曼與黃子華嶄新的組合,更產生極大化學效應,令人喜出望外。

自小喜歡看電影的Nelson,因七、八十年代香港電影業發展蓬勃,受導演徐克及許鞍華等相繼崛起影響,令他有意從事拍攝和製作工作。他於七九年加盟麗的電視擔任PA,兩年後晉升為導演。八五年他加盟無綫,至八九年升為監製,其作品《老友鬼鬼》、《無頭東宮》、《賭場風雲》、《古靈精探》及《絕代商驕》等均收視理想,口碑甚佳。

無綫監製張乾文入行三十年,成功製造不少螢幕組合。
無綫監製張乾文入行三十年,成功製造不少螢幕組合。

善製造螢幕組合Nelson向來喜歡冒險精神,故用人方面大膽創意。早在九一年,他選用張衞健與溫兆倫合演喜劇《老友鬼鬼》,搞笑演出令人深刻難忘。近作《絕代商驕》,他選用佘詩曼與黃子華這嶄新組合,不但令觀眾拍案叫絕,就連Nelson對這對拍檔亦感到意外。

他說:「我好欣賞黃子華,佢係一個天才演員,而佢後天亦好努力,每次拍劇佢都做咗好多功課。由電視劇到舞台棟篤笑嘅演出,佢都係超班,佢個人好大方,諗到啲新橋、好嘢一定會同人分享。佢拍劇唔止自己演技好,佢仲會兼顧其他演員,一齊融入角色。阿佘雖然係炙手可熱女演員,不過佢演戲係好用心,佢唔單止做好監製要求,好多時仲會畀好多驚喜你,所以佢兩個拍埋好有火花,亦發掘咗阿佘演喜劇嘅潛藏。」

楊怡與馬國明被張乾文睇好,上位有望。
楊怡與馬國明被張乾文睇好,上位有望。

郭羨妮與郭晉安在《古靈精探》的演出令人印象難忘。
郭羨妮與郭晉安在《古靈精探》的演出令人印象難忘。

睇好楊怡馬國明提到後起之秀,Nelson認為新紮小生中,以馬國明演技最為紮實,新紮花旦則睇好楊怡。他說:「幾位新紮小生我都有合作過,個個都有佢嘅吸引力,不過論演技一定係馬國明最紮實,可能佢知道要走演技派路線。而新紮花旦就睇好楊怡,佢係工兵型,可以搓圓㩒扁,你畀咩角色佢,佢就盡力去演畀你,睇住佢一路進步。」

佘詩曼與黃子華於《絕代商驕》飾鬥氣冤家,令觀眾捧腹大笑。
佘詩曼與黃子華於《絕代商驕》飾鬥氣冤家,令觀眾捧腹大笑。

评论回复