米雪年初失去摯愛尹志強，為免影響劇集拍攝，她堅強地撐下去繼續拍攝《女人最痛》。事過境遷，她接受專訪時透露其實在人後卻哭成淚人。

米雪在正播出的劇集《女人最痛》中飾演要兼顧事業及家庭的女強人，歷盡女人最痛。拍攝《女》劇時，正是她失去摯愛尹佬之時，為免影響工作繼續開工。

日前米雪接受專訪講到當時感受，她說：「當時好辛苦，但係都要叫自己收拾心情，好在以前有做過義工，處理過人哋嘅身後事，有經驗知點處理，但經驗始終係別人嘅經驗，發生喺自己身上又係另一回事。開工嗰陣就梗係要硬淨，唔想影響到其他同事，唔想令人哋擔心，但返到屋企我就不停咁喊，喊咗出嚟舒服咗好多，當時都有盡情咁喊！」

米雪強忍傷痛拍攝《女人最痛》。資料圖片

摯愛尹佬離世，對米雪是一大打擊。資料圖片

雖然難關難過，但米雪從來沒有想過要求停工，她認為始終公私要分明，問到失去尹佬是不是人生最痛？她說：「又唔係！生老病死係一定要面對嘅事，自己已經有心理準備去面對，痛過就算，當作係人生嘅一部分。」

揀開心過生活

米雪在樂天的尹佬身上獲益良多，她指雖然尹佬離世，但會秉承其樂天人生觀生活下去：「開心唔開心都要過，咁梗係揀開心去過，我會樂天面對所有困難，遇到辛苦嘅事情，我會美化佢，呢種係我嘅生活態度，咁會做得開心啲。」

米雪認為要公私要分明，不想因私事而影響工作。

米雪認為生老病死只是人生的一部分。