楊思琦咀歐錦棠有着數 李詩韻懶理鄧健泓結新歡

楊思琦咀歐錦棠有着數

楊思琦、焦媛、歐錦棠等昨出席音樂劇《情場如戰場》記者會,思琦有感同時又唱又跳又演難度甚高,故上星期已展開排練;而焦媛在席上表演「踢躂舞」,並因狂練舞而跳到鞋亦破掉。戴上3D眼鏡及手拿波板糖現身的歐錦棠,透露因患上白內障,不能接觸強光,故未來半年會暫別公仔箱。

楊思琦(左)和焦媛在音樂劇中施展渾身解數
楊思琦(左)和焦媛在音樂劇中施展渾身解數。

此外,負責人高志森對近日o靚模橫行,他說:「唔好取笑行家!」在旁的歐錦棠則劃清界線,並說:「我哋唔賣肉、唔賣奶,唔使大乳牛,唔使撕爛嘢,亦唔晒冷『警鐘胸』!」對於劇中歐錦棠與思琦有辣身舞及接吻等激情場面,問思琦是否明益他?歐錦棠笑說:「點解唔話係我益佢?個劇第一次畀咗我,以後一定平步青雲啦!」

李詩韻懶理鄧健泓結新歡

李詩韻昨日與阮兆祥和黃浩然在將軍澳電視廣播城為無綫收費台《星級廚房》擔任嘉賓,今次是《星》最後一次錄影,他們特地送紀念品給周中師傅。

「各有各生活」

有消息指李詩韻的前男友鄧健泓與龔嘉欣拍拖,李詩韻對此說:「我唔知發生乜嘢事,我唔知佢哋係咪拍拖,不過人總係要拍拖,佢開心咪得囉。」李詩韻表示與龔嘉欣不相熟,問她會否致電鄧健泓了解?她說:「唔需要喎,已經唔關我事,佢想講咪講,唔會刻意去問,我哋已經各有各嘅生活。」詩韻又表示目前未有拍拖。

(左起)黃浩然、李詩韻和阮兆祥昨日錄影最後一集《星級廚房》

(左起)黃浩然、李詩韻和阮兆祥昨日錄影最後一集《星級廚房》。

评论回复